Адријано откри колку пари вложил за победа на Интер во финалето во ЛШ (Фото)

Интер важи за голем аутсајдер во финалето во Лигата на шампионите, но играчите на италијанскиот тим веруваат во своите шанси и се убедени дека можат да му нанесат штета на Манчестер Сити.

Ова го посочија речиси сите членови од првиот тим на Интер на вчерашниот „медија-деј“ кој им го посвети УЕФА, а во таа насока оди и мислењето на еден од полегендарните напаѓачи на италијанскиот тим во изминатите две децении.

Бразилецот Адријано остана верен на Интер по завршувањето на кариерата и пред извесно време обелодени дека не пропушта ниту еден натпревар на тимот на Инѕаги, па сега до толку е уверен во триумф над Сити, што решил да се обложи на нив.

Популарниот „Император“ објави слика преку социјалните мрежи и го откри својот тип во јавноста, односно јасно стави до знаење дека уплатил 10 илјади бразилски реали на победа на Интер.

Тоа се околу 2 илјади евра, па доколку неговиот тип испадне точен, ќе добие заработка од околу 15 илјади евра.

View this post on Instagram

A post shared by Adriano imperador (@adrianoimperador)