Влаховиќ го прекина долгиот пост од месец октомври и донесе победа за Јувентус (Видео)

Душан Влаховиќ наиде на доста критики од јавнсота и беше поврзуван и со јануарски трансфер изминатиот месец, но откако ја надмина повредата и се стави на располагање на Макс Алегри, сега му се посреќи третиот меч по враќањето на терените.

Србинот имаше физички проблеми пред и по крајот на мундијалот во Катар, но денеска за првпат беше стартер во Серија А по пауза од речиси четири месеци и стави крај на постот од октовмри минатата година.

Влаховиќ последниот гол го постигна на 15-ти октомври во дербито против Торино, а денеска на 7-ми февруари постигна два гола на гостувањето во Салерно.

Салернината се покажа како тим кој не може да се носи со Јувентус на вечерашниот меч, бидејќи двапати капитулираше во првиот дел, а прими трет на стартот на вториот.

Јуве поведе од пенал кој прецизно го изведе Влаховиќ во 26-та минута, момент кој беше интересен и поради фактот што Србинот побара дозвола од Ди Марија тој да биде изведувач. Аргентинецот се покажа како добар соиграч и допушти такво нешто, па Влаховиќ енергично му се заблагодари и го бакна по постигнатиот гол.

До крајот на првиот дел, Костиќ погоди за 0:2 откако испрати еден лош шут на Влаховиќ, додека напаѓачот беше незадржлив во 47-та минута кога погоди за 0:3 по додавањето на Фаџоли. Ова на крајот беше и конечен резултат на оваа средба, по која Јувентус направи скок и стигна до 10-то место.