Видео од соблекувалната го открива говорот на бесниот Мбапе од полувремето на финалето со Аргентина

Килијан Мбапе беше речиси неприметен цели 80 минути во финалето во Катар, а потоа во неполни 90 секунди постигна два гола и внесе неверојатна неизвесност во натпреварот на кој дотогаш доминираше Аргентина во секој фудбалски поглед.

Младата ѕвезда на ПСЖ покажа извонредна самодоверба и го однесе финалето во дополнителни 30 минути игра, во кои комплетираше и хет-трик пред да се замине во завршница со пенал рулет.

Мбапе беше непогрешлив и во четвртото соочување со Емилијано Мартинез, но неговите четири погодоци сепак не беа доволни за да се одбрани светската титула, која тој навистина многу силно ја посакуваше.

Доказ за тоа е изданието кое го имаше на теренот, но и видеото кое доаѓа од соблекувалната на Франција, снимено од паузата меѓу двете полувремиња.

– Едноставно не можеме да бидеме полоши од ова. Мора да се вратиме на теренот и да направиме нешто, да внесеме интензитет во дуелите и да направиме нешто друго момци.

– Тие дадоа два гола, ние примивме два гола, но можеме да се вратиме. Ова е срање, мундијал има на секои четири години…., – порачал нервозниот Мбапе.

Kylian Mbappé's speech at half-time – France 🇫🇷- Argentina 🇦🇷

“It's the match of a lifetime, we can't do worse! » 💥🗣️ pic.twitter.com/aZbW4Z40gc

— Rஅjiv (@Rgeorg3) December 20, 2022