Варан ја објасни својата одлука за повлекување: Фудбалерот почна да го јаде човекот

По 93 официјални настапи за најсилниот тим на Франција, Рафаел Варан реши да ја шокира цела јавност во родната земја, откако соопшти дека става крај на својата репрезентативна кариера.

На само 29 години и во ситуација кога сите гледаа на него како наследник на капитенот Уго Лорис, Варан одлучи да направи чекор назад и да се прости од националниот тим, одлука за која влијаел и поразот на Светското првенство.

Сепак, главна причина за пензионирањето од репрезентативниот фудбал е исрпценоста и истоштеноста, што Варан се обидел и сликовито да го долови во интеврјуто за Канал плус.

– Фудбалерот почна да го јаде човекот. Дадов се од себе, се што имав. На физички и психолошки план. На највисоко можно професионално ниво, се наоѓате како да сте во машина за перење. Играме цело време и никогаш нема време за одмор, дојде време да кажам крај, – објаснува Варан.

Стоперот на Манчестер Јунајтед ги мина сите младински категории на Франција и настапуваше за најсилниот тим од 2013-та година, а вистински хајлајт на репрезентативната кариера му е оној во 2018-та година кога го освои Светското првенство.