Валенсија падна во Белград, Реал се избори за триумф во ефикасниот меч во Мадрид (ВИДЕО)

Црвена Звезда има турбулетна сезона во Евролигата, но се уште има уште многу да се игра и со тоа има простор да се дојде до плејофот или во најмала рака плеј-ин фазата, цел во која помагаа победите како вечершнава над Валенсија.

„Црвено-белите“ беа подобри од шпанскиот прволигаш со 82:64 и сега имаат учинок 10-14 во Евролигата. Домаќините првите десет минути ги одиграа во грч и дадоа само 11 поени, но работата се промении во преостанатиот дел, во секој од периодите беа постигнувани над 20 кошеви што беше доволно за важен триумф.

Недовиќ беше расположен за игра, „испука“ шест тројки од седум обиди и на крајот заврши со 27 поени.

Реал Мадрид беше подобар од Макаби Тел Авив во дуелот без одбрни во шпанската престолнина. Бранителот на пехарот славеше со 106-101, поточно дојде до 21 триумф во 24 сезонски натпревар.

Муса беше автор на 19 поени, Хезоња и Поарје уфрлија по 16 кошеви. Колсон и Болдвин за израелската гордост искомбинираа 53 кошеви.

Останати резултати: Баерн-Басконија 112-109 (прод.), Асвел-Фенербахче 73:83, Олимпијакос-Алба 101:87.