Трајковски: Мечот со Италија ќе биде посебен, ќе играме со срце и ќе се бориме

Најдобрата македонска репрезентација во месец март ја очекува баражот за Светското првенство, односно од мундијалот во Катар не делат само две пречки, два натпревари.

Првиот предизвик е актуелниот европски шампион Италија со кого ќе се соочиме на 24 март во Палермо, место кое е добро познато за дел од нашите репрезентативци. Имено еден од нив е Александар Трајковски кој мина неколку години во составот од Сицилија и се радува што сега одново ќе може да игра на „Ренцо Барбера“.

-Кога видов дека ќе играме против Италија, си помислив дека тоа ќе биде посебен натпревар. Потоа и дека истиот ќе се игра во Палермо. Колку прекрасно. Ќе се вратам на местото каде што бев добар, тоа ќе биде добар натпревар. Возбудливо. За мене и за Македонија.

-Имаме можност да одиме на Светско првенство. Кога ќе дојде време ќе размислуваме за тоа. Ние сме млад тим, Пандев повеќе не е со нас, ни недостасува. Ама ќе се бориме, играме со срце. Ние никогаш не се откажуваме. Имаме квалитет, порача Трајковски за „Тутомеркатовеб“.

Во случај да ја поминеме Италија тогаш во финалето баражот ќе играме со победникот од битката Португалија-Турција.