Тиаго за капитенот на Ливерпул: Тој е на исто ниво со Чави, Иниеста и Крос

Тиаго Алкантара од 2020 година е дел од Ливерпул што значи имаше доволно време да се увери во квалитетите на своите соиграчи да донесе одредени заклучоци, ставови за истите.

Еден од нив е големиот Џордан Хендерсон, капитенот на „црвените“ за кого Алкантара има многу високо мислење и го стави во ист ред со Чави Ернандес, Андрес Иниеста, Тони Крос…

-Тој ни го носи овој интензитет што му е потребен на тимот во некои делови од играта. Хедерсон е интензивен во текот на целиот натпревар. Тој е еден од најдобрите играчи од средниот ред со кои сум играл во мојот живот, -истакна Тиаго кој во кариерата има играно со многу познати имиња со оглед на тоа што настапуваше за Барселона, Баерн Минхен и за шпанската селекција.