Светскиот првак Томи Стефановски пречекан во Скопје (ФОТОГАЛЕРИЈА)

Освојувачот на светската серија во маратонско пливање за 2016 година, Томи Стефановски, синоќа беше пречекан во Скопје од страна на најблиските соработници и актуелните луѓе во македонското пливање, вклучувајќи ги тренерите и пливачите.

Стефановски (44) оваа сезона победи на маратонот во Охрид што го прави највозрасен пливач со ваков успех, а беше трет во трката на езерото Сен Жак во Канада. Иако е вообичаено сезоната во маратонското пливање да има повеќе трки, поради откажување на првите две трки во Аргентина и Мексико, „Гран при серијата“ за 2016 година заврши со трката од Капри до Неапол, во која триумфираше Евгениј Поп Ацев, а Томи Стефановски со освојување на шестото место успеа да ја освои титулата. Претходно, Стефановски најави дека ова е негова последна сезона со активно учество во трките, што значи дека тој нема да го брани насловот следната година.

Претходно, Стефановски беше вице-шампион во 2014 година, во 2009 година успеа да го преплива каналот Ла Манш, а на почетокот од годинава беше примен во „Куќата на славните“ на маратонското пливање, етаблирана во 1963 година.