Синовите на Пипен и О’Нил ќе го носат дресот на Лејкерс

Шекил О’Нил и Скоти Пипен се две големи кошаркарски имиња, асови кои оставија длабока трага во НБА лигата со извонредни партии и титули во клубовите во кои настапија.

Сега тие се во пензија, па нивните наследници ќе се обидат да остават печат и да се изборат на свое место. Имено Шариф О’Нил и Скоти Пипен Џуниор не беа избрани на последниот драфт, но ќе добијат шанса да се покажат во Лос Анџелес Лејкерс.

Клубот од Калифорнија ќе им даде прилика, па така Скоти Пипен Џуниор добил двонасочен договор што значи дека преку филијалата на „езерџиите“ ќе може да дојде и до првата екипа, односно најмалку ќе игра во развојната Џи-лига.

Кога е во прашање Шариф тој ќе добие прилика во Летната лига, односно тука со добри изданија може да избори место, договор во Лејкерс, но и во некоја друга екипа, клуб која би била заинтересирана да го ангажира.