Шеваљевиќ е оптимист: Горд сум на овие момци, можеме да ја победиме Македонија

За „Дерби“ од Унгарија,
Ристе Влахов

Репрезентацијата на Црна Гора не успеа да направи изненадување и загуби од Данска со 30:21 на стартот на Европското првенство.

Меѓутоа и покрај поразот Црногорците се задоволни од тоа како се прикажаа против скандинавците со оглед на сите проблеми што ги имаа изминатиов период, односно веруваат дека ќе бидат многу подобри против Македонија и Словенија.

-Горд на овие момци, на тоа како се бореа. Тие ги оправдаа очекувањата и мило ми е што сите добија шанса. Само така треба да продолжат, -истакна капитенот Васко Шеваљевиќ кој потоа даде коментар за утрешниот меч со четата на Кирил Лазаров.

-Го гледавме нивниот дуел со Словенија. Можеме да играме со двете екипи. Тие добро се држеа, но ние имаме што да бараме против нив и одиме на победа. Но, никогаш не се знае што ќе се случи, што ќе донесат новите тестови за коронавирус. Мора да размислуваме позитивно, -порача екс членот на Вардар.