Сањол e оптимист: Можеме да ја победиме Македонија во Скопје

Репрезентацијата на Грузија игра одлично на стартот на новото издание на Лигата на нации, па така откако рутински се справи со Гибралтар (4-0) вчера ја растури Бугарија на нејзин терен со 5-2.

Сето ова позитивна енергија, кревање на самодовербата, па предводникот на Грузијците, Вили Сањол е оптмист и верува дека неговиот тим ќе може да ги освои трите бода и против Македонија во Скопје, средба закажана за 9 јуни од 20:45 часот.

-Овие фудбалери покажаа дека имаат победнички менталитет. Дуелот со Бугарија е веќе зад нас и сега се фокусираме на Македонија. Треба да ја вратиме силата и дојдеме до резултат кој го посакуваме, нова победа. Се надевам ќе одиграме на исто ниво и со исти емоции ќе го направиме истото во Скопје, -истакна некогашниот француски репрезентативец, а сега селектор на Грузија.

Во 2020 година одигравме три средби против Грузијците две завршија без победник 1-1, а во последната која беше најважна славевме на нивен терен со 1-0 и обезбедивме место на ЕП во 2020 година.