Свет
Робињо ставен на озлогласената листа на Интерпол, Италијанците бараат помош од Бразил
Бразилецот Робињо од вчеравечер е ставен на списокот на Интерпол за итно апсење и екстрадиција доколку во било кое време го напушти родниот Бразил, бидејќи во средата во Италија му беше одбиена и последната жалба за големото кривично дело кое го направи пред осум години.
Поранешниот напаѓач на Реал Мадрид, Манчестер Сити и Милан го загуби случајот и на последната инстанца во Италија и веќе нема каде да се жали, па така на сила стапи деветгодишната затворска казна која му беше изречена, но за која сега се јавува проблем како ќе ја отслужи.
Робињо е прогласен за виновен за немилиот случај во 2013-та година кога бил дел од групно и организирано силување на 23-годишна девојка од Албанија, а покрај бразилскиот фудбалер, дебела казна треба да одлежи и неговиот пријател, Рикардо Фалко.
Сепак, напаѓачот во овој момент е на слобода бидејќи Бразил нема договор за екстрадиција со Италија, што значи дека Робињо не може присилно да биде префрлен на „чизмата“ за да ја отслужи затворската казна која му е изречена. Поради ова, Робињо од изминатава вечер е на листата на Интерпол, што во превод значи дека ќе биде депортиран во Италија доколку го напушти Бразил и влезе во една од 195-те земји кои соработуваат со оваа меѓународна организација за сузбивање на криминалот.
Италијанското министерство за правда истовремено излезе со соопштение за случајот „Робињо“, преку кое изрази желба да се најде заеднички јазик со одговорните власти во Бразил, од кои побара да го приведат фудбалерот и тој да ја отслужи деветодишната затворска казна во својата родна земја.
-
Англијапред 17 часа
Де Брујне го постигна првиот гол со глава, Сити убедлив на „Амекс“ (ВИДЕО)
-
Светпред 21 час
Димитријевиќ е МВП на сезоната во ВТБ лигата: Ова е голема чест за мене…(ВИДЕО)
-
Италијапред 23 часа
Бокшиќ со трансфер предлог до „старата дама“: Јувентус треба да го доведе играчот кој е бакнат од Бог
-
Англијапред 18 часа
Слот за можноста да седне на клупата на Ливерпул: Мојата одлука е јасна…
-
Англијапред 22 часа
Гвардиола за иднината на Кансело: За тоа ќе разговараме…
-
АТПпред 20 часа
Надал загуби само еден гејм и закажа битка со Де Минор во Мадрид (ВИДЕО)
-
Лига на шампионипред 16 часа
Барселона со пеколно второ полувреме го разби ПСЖ, Веспрем во последната секунда го матираше Алборг (ВИДЕО)
-
Евролигапред 16 часа
Реал на чекор до фајналфорот, Панатинаикос израмни против Макаби (ВИДЕО)