Пролет се договори со најдобриот стрелец во Супер-лигата

Македонскиот ракометен прволигаш, Тинекс Пролет од денеска е посилен за левото крило Давор Палевски.

Најдобриот стрелец во Супер-лигата во минатата сезона е прво засилување за Пролет за натпреварувачката 2020/2021.

–Задоволни сме што успеавме да доведеме квалитетно засилување кое ќе ја крене играта на Тинекс Пролет на едно повисоко ниво. Го задржавме речиси целиот тим од ланската сезона, а со дополнителното засилување остануваме на вистинска патека и очекуваме пласман во плејофот, -изјави директорот на клубот Сашо Огњеновски.

Палевски е порашен играч на Металург, но дефинитивно најдобрите партии ги прикажа во дресот на Работнички каде реализираше 190 гола на 17 натпревари во минатата кампања, па на негова адреса стигнаа доста понуди, но тој се одлучи да се пресели во Пролет.

Од клубот воедно информираа оти не успеале да пронајдат заеднички јазик со Стефан Стојановски и тој си заминува од оваа средина.