Признание за легендите: Фергусон и Венгер се првите менаџери во „Куќата на Славните“ на Премиер лигата

Сер Алекс Фергусон и Арсен Венгер се двајца стратези кои оставија голема трага во англискиот фудбал, па сосема очекувано тие како дуо добија признание и станаа првите менаџери примени во „Куќата на Славните“ во Премиер лигата.

Се работи за тренери кои ги водеа Манчестер Јунајтед и Арсенал, создадоа големо ривалство, ривалство кое му донесе огрома популарност на премиерлигашкиот фудбал. Заедно искомбинираа 16 пехари во ПЛ, соборија рекорди и со новата награда само додадоа уште една ѕвезда во нивните биографии, кариери.

-Јас сум навистина среќен што сум примен во Куќата на славните во Премиер лига. Чест е кога ќе го добиете ова признание. Сепак, не станува збор само за мене. Станува збор за работата во Јунајтед и врска што ја имавме многу години, така што јас сум горд на клубот, стручниот штаб и играчите, -порача Ферги.

-Би сакал да бидам познат како некој што го сакаше Арсенал, кој ја почитуваше клупската вредност и ја остави во позиција во која може да расте и да стане уште поголем – истакна Венгер.