Пелистер остана без еден од најдобрите играчи, се пресели во ривал од АБА2 лигата

Македонскиот кошарски прволигаш Пелистер остана без услугите на еден од најдобрите играчи кој замина во Словенија во редовите на Хелиос Домжале.

Се работи за американскиот интернационалец, Малколм Бернард за кого ова ќе биде второ искуство во оваа балканска земја со оглед на тоа што претходно настапуваше за Рогашка.

-Среќен сум што му се приклучувам на Хелиос Домжале, одлично организарн клуб со голема традиција. Во тимот веќе има добри кошаркари кои ги познавам и почитувам, ама имаа многу лоша среќа со со повредите во оваа сезона. Ќе дадам сè од себе за да придонесам за победничкиот менталитет и се надевам заедно ќе ги исполниме целите. Исто се радувам што ќе соработувам со тренерот со кого добро се познаваме и знаеме што може да очекуваме еден од друг, -порача Бернард кој сезонава во АБА2 лигата вп просек реализираше по 15 поени, 5 скока и 5 асистенции.