Паредес: Меси знае дека ова СП може да му биде последно

Леандро Паредес последната сезона ја мина како соиграч на својот попознат сонародник Лионел Меси, а во своето последно интервју зборувал за претстојниот мундијал на кој Аргентинците ќе бидат во групата фаворити за освојување на трофејот.

Меси има многу индивидуални, клупски и репрезентативни трофеи, но му недостасува мундијалскиот, за што Паредес смета дека ќе биде дополнителна мотивација за големата ѕвезда.

– За нас е важно Меси да се чувствува добро, да е среќен и да ужива со играта на теренот.

– Лео е свесен дека СП во Катар може да биде неговиот последен мундијал во кариерата, – вели Паредес.

Во првата групна фаза, Аргентина ќе игра против Саудиска Арабија, Полска и Мексико.