Неочекувана вест од НБА Лигата, Кевин Дурент бара да биде трејдуван во еден клуб

Како гром од ведро небо одекна веста која доаѓа од Соединетите Американски Држави, а која е поврзана со еден од најдобрите кошаркари на денешницата, Кевин Дурент.

Имено, 33 годишниот кошаркар побарал да биде трејдуван од Бруклин Нетс, а вечерва тоа и официјално го побарал од раководството на тимот.

Според дел од медиумите во САД, Дурент побарал да биде трејдуван во тимот на Феникс Санс, а наскоро ќе биде познато каде точно ќе продолжи одличниот поентер.

Популарниот „КејДи“ помина три сезони во дресот на тимот од Њу Јорк, но и покрај тоа што играше со плеада големи имиња не успеа да стигне до нов шампионски прстен.

Минатата сезона Дурент имаше одличен скор и во просек уфрлаше по 30 поени на натпревар, на кои додаваше уште по седум скокови и шест асистенции.