Најбрзата жена во светот се соочи со бизарна ситуација по вториот златен медал во Токио (Фото)

Јамајканката Илејн Томпсон Хера вчера на доминантен начин стигна до златниот медал на трката во женска конкуренција на 200 метри, со што одново ги обедини двете најважни одличја во атлетиката.

Неколку дена претходно, Јамајканката славеше и на најкратката делница од 100 метри, но вчера со второ најдобро време на сите времиња, не и даде никаква шанса на конкуренцијата и само докажа дека во овој момент е неприкосновена спринт-кралица во атлетиката.

Илејн со време од 21.53 постави свој личен и национален рекорд, па на тој начин ги одбрани двете злата кои пред пет години ги освои во Рио де Жанеиро.

Јамајканката стигна до извонреден дабл-дабл учинок на две последователни Олимпијади во времетраење од пет години, но тоа што има посебна привилегија на атлетската патека, очигледно не прави разлика на социјалните мрежи. Поради објава на својата вчерашна трка, Томсон Хера се пожали дека била блокирана од Инстаграм, па сега нема да може да објавува ништо поради казна во наредните два дена.

– Блокирана сум на Инстграм поради објавување на трките од Олимпијадата, не сум ги поседувала правата да го правам тоа. Се гледаме за 2 дена, – порача Илејн на Твитер каде доби дозвола да ги сподели видеата од Токио.

I was blocked on Instagram for posting the races of the Olympic because I did not own the right to do so. So see y’all in 2 days

— Elaine Thompson Herah (@FastElaine) August 3, 2021

New personal best new national record just remember in the midst of the storm be the STORM!! You are the STORM!! #historybooks #DoubleDouble #fastestwomanalive #hisglory pic.twitter.com/JchJYmJV9Y

— Elaine Thompson Herah (@FastElaine) August 3, 2021