Мурињо испрати порака по шпекулациите дека ќе го преземе Евертон

Рома вчера успеа да го победи Лече за пласман во четвртфиналето на италијанскиот куп, што значи и најава за пресметка на Жозе Мурињо со неговиот поранешен клуб Интер.

Португалецот по натпреварот зборувал за својата екипа, за ограничувањата и амбициите, а одговорил и на шпекулациите за преземање на Евертон.

Премиерлигашот бара нов менаџер по отказот за Рафаел Бенитез, а токму Мурињо се споменуваше како еден од фаворитите за таа позиција.

– Во однос на страста, емоциите и емпатијата од работата во Рома, можам да кажам дека сум на оценка 11 од можни 10. Навистина сум среќен бидејќи сум во клуб во кој имаат голема доверба во мене.

– Од фудбалски аспект, борбата за пласман меѓу четвртото и осмото место не е тоа што го посакувам, но се работи за проект и следната година ќе биде подобро. Среќен сум во Рома и не би го менувал овој проект за ништо на светот. Дадов збор дека ќе бидам овде три години, – рекол Мурињо.