Поврзете се со нас

Лига на шампиони

Митревски блескаше на голот на Порто, но неговиот тим доживеа елиминација од Алборг

Објавено

на

blank

Македонскиот репрезентативен голман имаше уште еден извонреден натпревар во дресот на Порто кој за жал на крајот не се покажа како доволен за клубот од Португалија да оди во следната фаза од Лигата на шампионите.

Порто во реванш средбата во Данска кај Алборг загуби со 27:24, со иста негатива со која го доби домашниот натпревар, меѓутоа поради повеќето примени голови тимот на Алборг се пласираше во четвртфиналето.

Митревски одигра блескаво прво полувреме во кое собра неверојатни 12 интервенции, додека во вториот дел беше далеку поскромен и имаше само три интервенции. Како и да е нашиот репрезентативец беше убедливо најдобриот ракометар на Порто со 57% успешни интервенции.

Во таборот на Алборг најдобар поединец беше Клаар со шест постигнати погодоци, додека исто толку голови постигна и Алварез во тимот на Порто.

Што се однесува до вториот натпревар во Лигата на шампионите од истиот термин, Кил славеше со 33:28 против Пик Сегед и очекувано се пласираше во четвртфиналето.

Реклама
Реклама
Реклама

Популарни