Мбапе се повреди, Хакими со „бомба“ ја најави дерби победата на ПСЖ (Видео)

Повредата на Килијан Мбапе ги загрижи фановите на ПСЖ, кои вечерва можеа да уживаат во големата победа на дербито со Олимпик Марсеј (4:0).

Актуелниот француски шампион без проблеми ги освои бодовите против екипата која е во резултатска криза, а успехот го најави Ашраф Хакими.

Мароканецот испрати вистинска „бомба“ во мрежата на Марсеј и ги освои симпатиите на фановите, а ПСЖ поведе во 8. минута.

Коло Муани зголеми на 2:0 пред крајот на првиот дел, а во продолжението од средбата, точка на дербито стави Рамос, кој влезе како замена за Мбапе, а погоди во 47 и 89. минута од средбата за конечни 4:0.

Марсеј остана на 9 бода, ПСЖ има два повеќе и заостанува два бода зад изненадувачкиот лидер Брест.

Le banger d’Achraf Hakimi contre l’OM 🤯

🎥 @FreeLigue1

pic.twitter.com/pEN7r5uuyZ

— Vibes Foot (@VibesFoot) September 24, 2023