Манчини со прва реакција откако дозна дека е во иста група со Македонија

Роберто Манчини смета дека Италија добила прифатлива група во квалификациите за Европското првенство во 2024-та година, од едноставна причина што бил сигурен дека актуелните бранители на титулата ќе добијат еден ривал од Англија и Франција.

Патиштата на Италија и Англија постојано се вкрстуваат во последно време и сега одново во два наврати ќе ги одмерат силите во квалификациите за континенталниот собир, но многу важни за поредокот ќе бидат и резултатите кои ќе ги остварат против Македонија, Украина и Малта.

На италијанските новинари посебно внимание им привлече Македонија како селекција која го приреди последното најголемо разочарување за „аѕурите“, па побарана бил и коментар од Манчини околу пресметките со „рисовите“.

– Бев убеден дека ќе ни се падне некој од Англија и Франција, но тоа е во ред и навистина го очекував. Според мене, ова е прифатлива група од пет селекции. Неам да има ниту еден едноставен меч, ќе мора да се оди со максимални напори.

– Македонија? Тие ни покажаа дека такви натпревари можат да се случат одвреме-навреме во фудбалот. Го дознавме тоа во Палермо и затоа мора да одиме максимално на сите натпревари, дури и со најлесните противници, – изјави Манчини.