Поврзете се со нас

Италија

Малдини прецртал тројца играчи на Милан за да добие повеќе пари за трансфери

Објавено

на

Foto:instagram.com/acmilan

Милан ќе има многу поголема одговорност и поголем притисок како актуелен италијански првак, а иако се крена голема фама околу новите сопственици, како што стојат работите, раководството издвоило околу 50 или 60 милиони евра за нови фудбалери.

Тоа изгледа премалку во модерниот фудбал во кој европските великани трошат по толку само за еден играч од светска класа, па поради суровата реалност, Паоло Малдини решил да прецрта тројца играчи од кои очекува да заработи и да дојде до сума од 100 милиони евра за трансфери.

„Тутоспорт“ открива дека Малдини ставил на трансфер листата тројца играчи од шампионскиот тим, а тоа се Анте Ребиќ, Алекси Салемакерс и Блао Туре.

Според информациите, целта на директорот е да успее да придобие уште 40 милиони евра од продажбата на тројцата фудбалери, па со побогат буџет да започне во поход кон нови играчи кои посериозно ќе го засилат тимот.

Малдини се покажа како навистина добар оперативец во последните две-три години, но негов следен предизвик ќе биде со 100 милиони евра да купи нов стопер, нов дефанзивен играч за врска, офанзивен фудбалер за врска и крило, позиции кои се посочени како круцијални од страна на луѓето кои го водат спортскиот проект.

Реклама
Реклама
Реклама

Популарни