„Макпетрол“: природниот гас и метанот во јуни достапни по пониски цени

Новото соопштение за медиумите од страната на компанијата „Макпетрол“ укажува на добри вести за потрошувачите на природен гас.

– Согласно договорот помеѓу „Макпетрол“ АД Скопје и „Гаспром експорт“, како и движењето на цената на  природниот гас на светските берзи, „Макпетрол“ АД Скопје ги известува своите потрошувачи и пошироката јавност дека цената на природниот гас за месец јуни ќе се намали за 13.82% за мегават час, во однос на цената за месец мај ова година.

Ова не е единствената добра вест, бидејќи трендот на намалување на цените се забележува и кај погонското гориво Метан.

– Воедно, сакаме да информираме дека малопродажната цената на погонското гориво за моторни возила, Метан (CNG), кој се продава на бензинските станици на „Макпетрол“ се намалува за 7,5% односно, за 5,00 денари за килограм (3,54 ден/лит) во однос на цената од минатиот месец која изнесуваше 67,00 денари за килограм, односно новата цена ќе изнесува 62,00 денари за килограм или 43,89 денари за литар,- се вели во соопштението.