Македонија
Лазаров со поддршка за Червар: Вистината е како лав, ќе се избори и ќе се докаже!
Тренерот на Металург, Лино Червар, ја искористи прес конференцијата пред дуелот од ЛШ со Кадетен Шауфхаузен да демантира написи од медиумите кои го поврзуваат со заминување од Македонија, но потенцираше дека изворот на таквите шпекулации е од тие на кои тој им пречи.
Вестите за наводното затајување на данок и нудење на своите услуги на Веспрем хрватскиот стручњак ги оцени како манипулација со неговото име, што го почувствувал и капитенот на националниот тим, Кире Лазаров, кој му испратил порака на поддршка, а Червар ја прочита на прес конференцијата.
– Чувствувам како да се прави кампања против мене, дека пречам некому. Тоа не е добро ниту за мене, ниту за моето семејство, да бидам прислушуван и да излегуваат стории дека сум примал плата кога играчите не земале ниту денар, како и дека сум човек кој не плаќа данок и еден од набогатите во Македонија. Сето ова ме натера да се потсетам на изреката од Черчил, дека „лагата ќе го обиколи светот додека вистина ги облече панталоните“, – рече Червар, одговарајќи на новинарското прашање на „Дерби“ по повод шпекулациите за можно заминување од Скопје. – Сакам да ви прочитам една порака која ми ја прати Лазаров. Добивам поддршка од него, а тоа многу ми значи. „Не мора да ја браниш вистината, таа е како лав и еден ден самата ќе се докаже. Опуштено, вистината секогаш на крајот ќе се појави“. Ова ми го прати Киро и навистина се надевам дека тоа што ми го напиша ќе успее да се оствари. Тоа се зборови на Свети Антонио, а јас верувам во Господ и верувам дека вистината ќе излезе на виделина. Дојдов во Македонија со огромна желба да работам, тоа го правам веќе многу години, но очигледно веќе на некого му пречам, – потенцираше тренерот на Металург кој за крај демантираше дека остварил било каков контакт со некои од луѓето од Веспрем.
– Не сум разговарал со ниту едно службено лице од Веспрем, моето реноме не ми дозволува да се нудам на некому. Јас ли треба да се нудам? Тоа ќе биде како да плукнам на сиот свој вложен труд во изминативе години зад мене, – заврши Червар, кој потенцираше дека ваквите вести биле пласирани на неговиот 65 роденден, додека прославувал со семејството.
-
АТПпред 22 часа
Тони Надал: Рафа живее нормален живот, Ѓоковиќ…
-
Лига на шампионипред 6 часа
Румениге: Го пониживме Реал со 9:1, но сега тие станаa нашата „бела мачка“!
-
Светпред 20 часа
Лаутаро за Меси: Тој како да игра друг спорт, прави работи…
-
НБАпред 11 часа
Бесниот Мелоун влета на теренот и тргна да се пресметува со судијата, Јокиќ и соиграчите добија кошаркарска лекција од Минесота (Видео)
-
Англијапред 21 час
Пораз кој боли: Кристал Палас го понижи Јунајтед на „Селхрст Парк“(ВИДЕО)
-
Англијапред 12 часа
Гвардиола има одлучено кој клуб ќе го води наредната сезона
-
Италијапред 24 часа
Аталанта со пресврт до важна победа во Серија А (ВИДЕО)
-
Лига на шампионипред 12 часа
Шпански новинар се „камуфлираше“ на пресот на Луис Енрике, одговорот кој го даде Лучо стана вирален (Видео)