Креспо: Италијанскиот Куп не е доволен за Интер, клубот треба да цели…

Интер важеше за фаворит за пехарот во Серија А во изминативе сезони, меѓутоа тешко доаѓа до популарното Скудето, па така лани градскиот ривал Милан им го грабна пред нивни очи, додека пак во актуелнава кампања има сериозен минус зад лидерот Наполи и ќе треба да се случат многу работи, целосен пресврт Елмас и компанија да испуштат предност од 13 поени.

Од друга страна „нероаѕурите“ го совоија Супер Купот на Италија и се во самата завршница (полуфинале) на Купот, ама според легендарниот Ернан Креспо тоа не е доволно за тим како Интер кој мора да цели кон пехарот во Калчото.

-Не е тешко да разбере што се случи со Интер во оваа сезона. Тие не беа константни. Настапите се менуваа на почетокот на сезоната и во последно време. Погледнете го само шокантниот пораз од Емполи. Тимот треба да цели кон Скудето. Освојувањето на Купови не се доволни ако не зборуваме за Лигата на шампионите. Интер треба да достигне зрелост. Мора да продолжи да се развива со идејата за следната сезона, -порача Аргентинецот кој имаше две епизоди на „Џузепе Меаца“.