Кире е жива легенда во Лигата на шампионите: Лазаров влезе во историјата на најелитното ракометно натпреварување

Македонскиот репрезентативец и селектор на ракометната селекција на Македонија, Кире Лазаров стигна до уште едно неверојатно достигнување во кариерата.

Лазаров вечерва влезе во историјата на Лигата на шампионите како играч кој одиграл најмногу натпревари во ова натпреварување.

Кире истрча на паркетот на натпреварот против Келце што за него беше 250 настап во Лигата на шампионите и зад себе го остави Арпад Штербик кој има одиграно 249 натпревари.

Лазаров далеку зад себе ги остави и Тјери Омејер кој има 240 натпревари во Лигата на шампионите, Никола Карабатиќ (237), Калман (225), Дибираов (215)…

Капитенот на нашата селекција може да го подобри рекордот затоа што со неговиот Нант приреди сензација и го елиминираше тимот на Виве Келце.