Ивановиќ искрен: Бев изненаден од отказот од Звезда

Искусниот црногорски стратег, Душко Ивановиќ пред некое време заработи отказ од Црвена Звезда, отказ кој беше изненадување за сите кошаркарски фанови и покрај последниот старт на „црвено-белите“ во Евролигата.

Меѓутоа Ивановиќ експресно пронајде нов ангажман и одново ќе го води шпанскиот прволигаш Басконија, поточно ја започнува четвртата епизода во овој клуб.

-Многу сум среќен што сум повторно тука, ова е мојот клуб, мојот град. Кога ме побараа да дојдам, не се двоумев. Го имам истиот ентузијазам како и секогаш. Ама убеден сум дека не чека многу тешка фаза, ќе има огромни предизвици за сите нас. Не ни оди добро, тоа е јасно, а првото нешто што треба да направиме е да ги поддржиме играчите. Мора да играат со поголема самодоверба, мора да веруваат во тоа што ќе го направиме, -истакна Ивановиќ кој самиот призна дека не очекувал да биде отпуштен од Звезда.

-Бев изненаден од мојот отказ од Црвена Звезда, не го очекував, па неочекувано дојдоа и преговорите со Басконија. Но, среќен сум што сум тука и што почнав повторно да работам толку брзо, -заклучи 66-годишниот Црногорец.