Гвардиола ја отвори вратата за камбек на „Камп Ноу“: Ќе се вратам…

Пеп Гвардола веќе подолго време е на големата сцена како тренер и во сите клубови во кои работеше забележа значајни успеси со тоа што епизодата во Барселона е негова најуспешна во досегашната кариера.

Тој освои се што можеше, па потоа во некои изјави порачуваше дека многу тешко ќе се врати во клубот во иднина. Меѓутоа Каталонија, Барселона е негов дом и сега тој ја остави подотворена вратата за можен камбек на „Камп Ноу“ во иднина.

-Ништо не може да се спореди со Барселона. Ако мислев дека е неоходно да се вратам тоа ќе го направев, ама не мислам така. Јас си заминав и тимот продолжи да победува. Ако треба повторно да се сретнеме, ќе се сретнеме, -рече Пеп кој говореше и за тимот кој сега го води Чави Ернандес.

-Мислам дека им оди добро и покрај разочарувањето во ЛШ, ама ако анализирате натпревар по натпревар…Во Минхен заслужија да победат и потоа пеналот на средбата против Интер. Ме боли што не се тука, ама сум среќен што не можам да се соочам, -порача шпанскиот стратег.