Галтие со порака: Ова никој не сака да го слушне, заслужувам втора сезона во ПСЖ!

Пари Сен Жермен остана непоразен на гостувањето кај Стразбур, а тоа беше сосема доволно да ја потврди новата титула во домашниот шампионат.

„Светците“ имаат една турбулентна сезона во која овој пехар треба да залечи дел од раните, резултат по кој тренерот Криштоф Галтие испрати јасна порака до управата за неговиот статус на „Паркот на принцовите“.

-Заслужувам втора сезона со Пари Сен Жермен. Ќе го повторам тоа уште еднаш бидејќи никој не сака да го слушне, но оваа сезона беше специјална. Моравме да останеме на вистински пат кога сите мислеа дека се „удавивме“. Тоа е заслуга на моите играчи кои не се предадоа. Не треба да се намалува вредноста на оваа титула, -порача предводникот на ПСЖ.

Клубот од француската престолнина доживеа рана елиминација во ЛШ, беше „нокаутиран“ во Купот, па тешко е да се верува дека Галтие ќе остане на сегашната функција по крајот на натпреварувачкаат 2022/2023.