Фердинанд нема дилеми: Јунајтед има поуспешна сезона од Арсенал

Денеска се спушта завесата во Премиер лигата за натпреварувачката 2022/2023 која му припадна на составот на Манчестер Сити кој на овој начин продолжи да доминира во англискиот фудбал.

Овојпат најголем конкурент на „граѓаните“ беше Арсенал кој најмногу се задржа на позицијата број еден, ама не го издржа притисокот, завршницата на кампањата и мора да се задоволни со вицешампинската позиција.

Меѓутоа ова според легендарниот Рио Фердинанд не е доволно за Арсенал да има подобра, поуспешна сезона од Манчестер Јунајтед кој исто обезбеди Топ 4 пласман во ПЛ, славеше во Лига Купот, а ќе игра и во финалето на ФА Купот.

-Ако си лежите и помислите дека сте играч, дали сакате да завршите како четврти и освоите трофеј, без разлика кој и да е тој или трети, освоите титула и се пласирате во ЛШ или втори, без пехар, а да бидете инволвирани во трката за титулата?

-Го земам трофејот и било која позиција со која се обезбедува ЛШ, тоа е тоа. Тоа е поуспешна сезона. Можете да погледнете и кажете дека Арсенал и Артета направија огромни чекори, да им симнете капа и да им кажете „браво“. Тие завршија многу добро работа во намалувањето на разликата со Сити. Но, тоа е различен разговор, можеме да се вратиме на тоа следниот пат, -порача Рио преку подкастот „Фајв“.