Евра со две реченици објасни зошто ПСЖ никогаш нема да ја освои титулата во ЛШ

Патрис Евра имаше триумфална играчка кариера и имаше чест да соработува со неверојатни имиња од светскиот и европскиот фудбал, бидејќи најголем дел од играчката етапа мина во Манчестер Јунајтед.

Легендарниот лев бек ги освои сите најважни трофеи во фудбалот на клупски план и во завршницата на кариерата настапуваше и за Јувентус и Марсеј, а како редовен следбеник на случувањата во домашниот фудбал, Евра сега се огласи за новиот пропаднат проект на ПСЖ.

„Светците“ уште една сезона ќе останат без шанса да се борат за трофејот во најелитното натпреварување, но Евра беше доста брутален и во своето обраќање се обиде да образложи зошто парижаните никогаш нема да стигнат до трој трофеј.

– ПСЖ има само еден проблем, а тоа е што постила црвен тепих за секој играч кој ќе дојде во тимот, тоа го прават и со играчи кои немаат ниту десет настапи во Лигата на шампионите.

– Дани Алвес беше дел од ПСЖ и во еден момент ми објасни: Пат, тие никогаш нема да ја освојат Лигата на шампионите, таму играчите се третираат како рок-ѕвезди, – вели Евра.