Поврзете се со нас

Формула 1

Емотивното видео од кокпитот и тажната слика од Расел по трката ја обележаа ноќта во Бахреин (Видео)

Објавено

на

blank

Џорџ Расел ја обележа синоќешната трка за Големата награда на Бахреин во која само поради лошата работа на механичарите на Мерцедес остана без победата.

Во боксот на Мерцедес најпрво погрешија при менувањето на пневматиците, па Расел ја изгуби позицијата и падна на четвртата позиција. И покрај тоа тој успеа да се врати и стигна до второто место, а евидентно беше дека до крајот на трката ќе го престигне и Чеко Перез затоа што беше многу побрз од него.

Сепак, потоа се случи уште еден малер за Расел затоа што еден од неговите пневматици пукна па тој мораше да оди повторно во боксот и трката да ја продолжи од последното место.

На крајот го продолжи одличното возење и успеа да влезе во бодови, први за него во кариерата, меѓутоа горчината за тоа што се случуваше претходно остана кај младиот возач.

Кога добиваше охрабрувачки пораки и честитки од боксот на Мерцедес, Расел имаше емотивно издание во кое дури и се расплака поради се што му се случуваше.

На крајот, социјалните мрежи ги обиколи една слика од тажниот пилот кој беше легнат на тревата покрај патеката неверувајќи што му се случи на трката во Бахреин.

blank

Останува да се види дали Џорџ Расел ќе добие уште една шанса во Мерцедес или Луис Хамилтон ќе го победи коронавирусот, па ќе се врати во болидот на шампионскиот тим кај конструкторите.

Како мала утеха за пилотот дојде и најбрзиот круг кој го имаше на патеката по кој обезбеди дополнителен поен, како и тоа што на крајот на трката од фановите беше избран за возач на денот.

Реклама
Реклама
Реклама

Популарни