Шпанците ја најавија казната за Валверде поради нападот на фудбалер на Вилјареал

Соодветната комисија на Шпанската фудбалска федерација денеска го разгледувала инцидентот во кој Федерико Валверде го удри Алекс Баена, по дуелот меѓу Реал Мадрид и Вилјареал од минатата сезона во Ла Лига и веќе е најавено каква ќе биде казната за Уругваецот.

Валверде предизвика скандал откако го сочека играчот на Вилјареал на паркингот на „Сантијаго Бернабеу“, по што Баена заработил и удар во лицето, а казната беше оставена за по крајот на сезоната.

Лицето одредено за целосно истражување на инцидентот денеска предложил до Натпреварувачката комисија дека соодветна казна е суспензија на пет натпревари, што сигурно не е мал хендикеп за Реал, но истовремено и компромисно решение бидејќи на Валверде му се закануваше и многу поголема казна.

Ако казната биде потврдена, Валверде ќе ги пропушти дуелите со Атлетик Билбао, Алмерија, Селта, Хетафе и Реал Сосиедад.

Според „АС“, Реал Мадрид ќе испрати жалба на одлуката веднаш штом истата ќе биде соопштена официјално.

Трето полувреме на „Бернабеу“: Валверде сочекал играч на Вилјареал пред автобусот и му удрил бокс!