Директорот на Барселона: Наполи е одличен клуб со европско педигре, но ние имаме јасна цел

Барселона по долго време испадна уште по групната фаза на Лигата на шампионите и своето европско натпреварување ќе го продолжи во Лига Европа каде денеска го доби ривалот за плејофот-тоа е калчолигашот Наполи.

Елиф Елмас и компанија можеби беа и најсилниот ривал што каталонците можеа да го добијат, па дефинитивно ќе им биде многу тешко да ја минат оваа пречка особено ако остане сегашната ситуација, проблемите во играта и играчкиот кадар.

Во Барселона го почитуваат ривалот и свесни се за предизвикот, ама во исто време знаат дека ако сакаат да ја остварат целта тогаш мораат да го добијат секого кој ќе им застане на патот.

-Наполи е одличен клуб со европско педигре. Имаат многу искуство и мораме да бидеме свесни дека ќе биде многу тешко. Ждрепката не беше наклонета кон нас, ама такви се овие натпреварувања. Ама за да биде шампионите морате секого да го победите.

-Го добивме Наполи, ќе се соочиме со нивниот квалитет, но со нашето ниво целиме кон финалето и да ја освоиме Лигата на Европа, -истакна директорот Матеу Алемани.