Димитријевиќ има две мајстории во најдобрите потези на финалето во ВТБ лигата (ВИДЕО)

Екипата на Уникс Казањ испиша историја и дојде до првиот пехар во ВТБ лигата, успех во кој голема улога имаше македонскиот репрезентативец, Ненад Димитријевиќ.

Нено блескаше во плејофот особено во финалната рунда против Локомотив Кубањ и најдобар доказ за тоа е што го понесе признанието МВП, поточно беше избран за најкорисен играч.

Плејмејкерот правеше се на дуелот против составот од Краснодар, па две од неговите мајстории се најдоа и на Топ листата на најдобрите потези во битката за пехарот.

Се работи за две асистенции, првата за цепилин со Жбанов, додека втората беше уште поатрактивна, луцидно го проигра Хантер за лесна реализација.