Дел Пјеро образложи зошто Дибала изгледа многу посреќно во Рома

Пауло Дибала беше еден од лидерите на Јувентус долги години наназад, па иако имаше преддоговор за нова соработка со клубот, на крајот се изјалови целата операција и Аргентинецот извиси откако „старата дама“ реши парите да ги вложи за Душан Влаховиќ.

Јувентус ја повлече својата понуда и така Дибала остана слободен агент изминатото лето, па по долго размислување, на крајот му се приклучи на Жозе Мурињо и стана најголемо и најзвучно засилување за Рома.

За разлика од последната сезона во Јуве, Жозе Мурињо навистина добро ги менаџира повредите на Дибала и засега не дозволи да има подолга пауза, факт кој предизвика големо внимание и кај Алесандро Дел Пјеро.

– Дибала дефинитивно станува позрел, а тоа е производ и на тешките чекори кои ги имаше во Јувентус. Имаше многу убави момент, но и не толку убави со повредите. Тој не беше главен протагонист на Светското првенство, но на крајот беше важен со пеналот во финалето.

– Сега изгледа многу посреќно во Рома отколку минатата сезона. Жозе Мурињо навистина го посакуваше и интересно е да се анализира Дибала оваа сезона. Интересно е да се анализира како Мурињо направи Дибала да се врати на ова ниво. Сега не изгледа како играч кој има физички проблеми. На Пауло му е потребно да биде фит, да чувствува доверба и да биде сакан, тоа му недостасуваше минатата сезона. Неговиот квалитет никогаш не бил доведен во прашање, а тоа го гледаме и сега, – вели Дел Пјеро.