Бернардески: Ова е апсурдно, имам европска титула, а никогаш…

Италијанците одново не се на собирот на најдобрите светски репрезентации, односно вторпат во низа не играат на Мундијалите што дефинитивно е болно за нив.

Македонија е еден од виновниците за овој неуспех на „аѕурите“ кои ќе мора да почекаат некоја друга шанса за да дојдат до билет за СП, а во меѓувреме ќе мораат на телевизија да ги гледаат битките на останатите фудбалски колеги.

-Боли, затоа што мислам дека заслужуваме да бидеме таму, земја која толку пати била шампион на разни натпреварувања мора да учествува. Кога само ќе помислам дека сум европски шампион, а никогаш не сум играл на Светско првенство, тоа е апсурдно, -вели Федерико Бернардески кој посочи кој е негов фаворит на шампионатот.

-Се обложувам на Бразил на моите пријатели Данило и Алекс Сандро затоа што имаат најкомплетен тим. Тука се и Франција и Шпанија, -заклучи Федерико кој како што е познато сега го носи дресот на Торонто.