Артета испрати порака до Алонсо и Џака и откри дали добил совет за успех против Баерн

Арсенал му гостува на Баерн Минхен во Лигата на шампионите, меч во кој „топчиите“ ќе мора да пронајдат начин за да победат ако сакаат да се пласираа во полуфиналето на елитното натпреварување.

Првата можност секако е тоа да се направи во регуларниот дел, втората е по дополнителните 30 минути, а третата е на пенали со оглед на тоа што првото соочување во Лондон заврши без победник 2-2.

Баерн сезонава не успеа да излезе на крај со Баер Леверкузен кој стана шампион на Германија, па Микел Артета кој добро познава дел од „фармацевтите“ испрати порака до нив, но и откри дали добил совет за тоа како да ги реши „баварците“.

-Големи честитки за Чаби и Гранит бидејќи тој беше и наш играч. Многу сум среќен за нив и многу импресиониран од она што го направија. Му честитав на Чаби очигледно затоа што сме добри пријатели и затоа што сме среќни поради нив, но ова е друга приказна. Не се соочуваме редовно со Баерн и е дуел од Лигата на шампионите, така што натпреварот е многу поинаков, -истакна Артета.