Женската У19 репрезентација стартуваше со победа на квалификацискиот турнир во Белорусија

Македонска женска фудбалска репрезентација до 19 години со победа над Фарските Острови (3:0), го започна турнирот на кој се бори за пласман во елитната фаза од квалификациите за Европското првенство.

Избраничките на селекторот Астрит Мерко одлично го отворија настапот во Белорусија, а резултатот беше отворен во 33. минута со голот на Теодора Николовска.

Предноста беше зголемена преку Теа Божиноска во вториот дел, а Кристина Мојсоска од пенал во 87. минута ги постави конечните 3:0.

На првиот натпревар од групата, домаќинот Белорусија го совлада Кипар со 6:0.

Следен противник на македонската женска У19 репрезентација е токму Белорусија, а натпреварот се игра на 23. октомври.