Успешна операција: Стоилов го реши проблемот со носот

Македонскиот репрезентативец и капитен на Вардар, Стојанче Стоилов имаше успешна операција на носот во „Аџибадем Систина“.

Стоилов имал проблем со носната преграда која му го нарушувала дишењето на нос и влијаела физичката кондиција, но сега тоа е надминато и се очекува кружниот напаѓач да биде во многу подобра состојба и тоа да го покажува на теренот.

-Воопшто не се двоумев каде да побарам стручна помош, знам дека тука здравјето го препуштам во најдобри раце. Д-р Лазаревски е исклучителен професионалец, се чувствувам одлично по интервенцијата. Затнатиот нос и проблемот со дишењето што го имам веќе подолго време беа навистина голема пречка за мене како спортист и среќен сум што го надминав и овој проблем. Во услови на пандемија на коронавирусот се чувствував 100% безбеден, бидејќи тука се почитуваат сите правила за заштита како пациент, -истакна Стиолов.