Тиквеш и Прилеп со важни победи останаа во игра за место во плејофот

Денешните три натпревари од македонската ракометна Суперлига обезбедија неизвесност во пресрет на последното коло од Б групата, по кое официјално ќе бидат познати сите патници во плејофот.

Металург го плати цехот за натрупаниот распоред и загуби на гостувањето кај Тиквеш (40:38) во натпревар со дури 78 голови, но скопскиот тим одамна ја обезбеди првата позиција на табелата во својата група.

Најнеизвесно беше во Скопје, каде Бутел го пречека Прилеп, а гостите предводени од Реваз Чантурија стигна до важна победа со резултат 19:21.

Чантурија со 10 голови повторно ја покажа својата ракометна класа и го задржа својот тим во борбата за едно од местата кои водат во плејофот.

Во дербито на дното, Младост триумфираше против Работнички со 35:28, што за домаќините значи дека ќе ја завршат сезоната со две победи.

Шанси за третото место во групата имаат Еурофарм Пелистер 2, Тиквеш и Прилеп, а патникот во плејофот ќе биде познат по последното коло.