Стоилов искрен: Не одигравме на посакуваното ниво, ќе научиме многу од овој пораз

Составот на Вардар имаше лош старт на новата сезона во СЕХА лигата каде во првиот меч во Прешов загуби од домаќинот Татран со резултат 27-23.

„Црвено-црните“ не сметаа на сите свои играчи за оваа пресметка, меѓутоа без разлика на тоа се очекуваше повеќе од нив и тоа многу добро го знаат во таборот на македонскиот шампион.

-Во основа се уште сме во подготвителниот период со оглед на тоа што многу играчи се враќаат од репрезентативните обврски. Нашиот тим е сосема различен од минатата година и мораме да бидеме искрени не одигравме на посакуваното ниво. Чуприна веше фантастичен меѓу стативите, ама искрено не изгледавме како тимот што сакаме да бидеме во вториот дел од сезоната.

-Сигурно ќе научиме од ова. Татран едноставно повеќе ја посакуваше победата и мора да им честитаме за истата, -порача капитенот Стојанче Стоилов.

Втората средба за Вардар во оваа конкуренција е против Партизан на 1 февруари.

Вардар лошо ја отвори новата сезона во СЕХА лигата: Прв пораз од Татран по пауза од десет години