Олимписки игри
Спектакуларен ракометен крај: Франција ја детронизираше Данска во драматичното финале
Франција го врати олимпиското злато во свој посед, откако во денешното големо финале во Токио, успеа да изрежира слатка одмазда за она што се случи пред пет години во рио.
„Триколорите“ и се реваншираа на моќната Данска за поразот од Олимписките игри во Бразил, такашто во денешното финале го детронизираа актуелниот олимписки шампион и се вратија на тронот по успесите во 2008-ма и 2012-та година.
Франција беше подобра во најголем дел од мечот и постојано го диктираше резултатот, но падот на средината на вториот дел придонесе да гледаме неизвесна и возбудлива завршница, во која повеќе нерви имаа избраниците на Жил.
Французите имаа плус четири на полувреме и плус шест до 40-та минута, но потоа Данска направи извонредна серија и стигна до 22:21. Во првиот обид за израмнување, Микел Хансен беше спречен од неверојатниот Жерар, а потоа најдобриот играч на Данска не реализираше и пенал, што можеби беше и клучно во одлучувачките моменти.
Интересно, Данска имаше последен напад за израмнување на 24:24, но наместо тоа, дојде до грешка и лесен гол на Фабрегас кој ги постави конечните 25:23.
Дел од овој ракометен спектакл беа македонските судии Ѓорѓи Начевски и Славе Николов кои добија чест да го водат големото финале на Олимписките игри, а кога е статистиката во прашање, Микел Хансен до девет гола беше најефикасен на теренот, но тоа не беше доволно против тимската игра на Франција, тим во кој најдобар голгетер беше Ремили, но во листата на стрелците се запишаа дури девет ракометари.
Претходно, во мечот за третото место, Шпанија беше подобра од Египет и го освои бронзениот медал на Олимписките игри.
-
НБАпред 16 часа
Денвер повторно ги преслуша Лејкерс, Ембид броеше до 50 во триумфот на Филаделфија
-
Шпанијапред 11 часа
„Мундо Депортиво“ објави ново видео и заклучи: Барселона е оштетена за чист гол (Видео)
-
Евролигапред 24 часа
Реал на чекор до фајналфорот, Панатинаикос израмни против Макаби (ВИДЕО)
-
Формула 1пред 12 часа
Голем удар за Ред Бул: Адријан Њуи најавил дека планира нов предизвик
-
Шпанијапред 9 часа
Промена во последен момент: Белингам во составот, друга ѕвезда на Реал отпадна за дуелот со Сосиедад
-
Англијапред 16 часа
Гвардиола не се согласува со Клоп и Ван Дајк и одговори со различен став
-
Македонијапред 15 часа
Анализа по првиот настап: Можеме и подобро, свежа мотивација за Золдер!
-
Италијапред 15 часа
Јувентус договорил нов голман, наследникот на Шчесни ќе биде Италијанец