Рио го „амнестираше“ Јунајтед и смета дека Арсенал е виновен што Сити е на чекор до трет трофеј

Рио Фердинанд се надеваше дека Арсенал ќе го спречи Манчестер Сити да стигне до три трофеи оваа сезона, но избраниците на Пеп Гвардиола станаа шампиони, го освоија ФА купот и утре ќе игра во финалето на Лигата на шампионите за комплетирање на колекцијата.

Поранешниот дефанзивец на Јунајтед смета дека Арсенал ја имал најдобрата шанса да спречи ваква доминација, истовремено „амнестирајќи“ го тимот на Ерик тен Хаг од „одговорност“.

Арсенал беше лидер во Премиер лигата цели 248 дена, што е рекорд за екипа која на крајот не ја освоила титулата.

– Тоа беше нивна основна работа, беа пред Сити во 93 проценти од сезоната.

– Имаа одлична позиција и се растурија како кула од карти, – вели Фердинанд.

– Што се однесува до финалето во ФА купот, тоа беше решено уште пред да започне. На почетокот на натпреварот шансите се 50:50, но во реалноста не беше така, – изјавил Фердинанд во својот подкаст.