Познат е распоредот: Олимпискиот шампион е прв ривал на Македонија на ЕП

Македонската женска сениорска репрезентација денеска ги дозна противниците за Европското првенство на кое ние ја имаме улогата на коорганизатори заедно со Словенија и Црна Гора.

Ние се најдовме во групата Ц каде ќе имаме многу силни ривали и тоа во Франција, Холандија и Романија. Познат е и распоредот на шампионатот, па така ние на стартот ќе се соочиме со актуелниот олимписки првак Франција, селекција која во моментов е и актуелен европски и светски вицепрвак.

Таа средба е закажана за 5 ноември во Скопје за да два дена потоа се соочиме со Холандија за да групната фазаја завршиме против Романките на 9 ноември.

Пласман во наредната фаза обезбедуваат трите најдобри репрезентации од четирите групи.