Победата на Македонија над Германија е петто најголемо изненадување во историјата на мундијалските квалификации

Победата на македонската фудбалска репрезентација против Германија беше големо изненадување во мундијлските квалификации и резултат кој донесе комплименти за нашиот национален тим и од неутралните фанови.

Македонија победи со 2:1 во Дуизбург, а во пресрет на вториот натпревар кој се игра во Скопје, агенцијата за фудбалска статистика „Грејснот“ ја вброи шокантната победа на нашата репрезентација меѓу петте најголеми изненадувања во историјата на мундијалските квалификации.

Имајќи ги предвид шансите кои им се давани на селекциите пред натпреварот, триумфот во Дуизбург е на петтото место, а за најголемо изненадување е прогласена победата на Луксембург на гостувањето кај Швајцарија (1:2) од 2008 година.

Повод за објавувањето на ова рангирање е вчерашната победа на Централна Африканска Република на гостувањето кај Нигерија во африканскиот дел од квалификациите за СП.

🧮 – Biggest shocks ever in World Cup qualifying

2.8% 🇨🇭Switzerland 1-2 🇱🇺Luxembourg 2008
4.6% 🇰🇼Kuwait 0-3 🇱🇦Laos 2016
5.7% 🇰🇬KYRGYZ REP 0-1 🇲🇳MONGOLIA 2021
6.8% 🇯🇲Jamaica 2-3 🇳🇮Nicaragua 2015
7.1% 🇩🇪GERMANY 1-2 🇲🇰N MACEDONIA 2021
7.4% 🇳🇬NIGERIA 0-1 🇨🇫CENTRAL AFRICAN REP 2021

— Gracenote Live (@GracenoteLive) October 8, 2021