Пирло имаше што да каже откако Јувентус не доби пенал во финишот против Порто

Тренерот на Јувентус, Андреа Пирло беше лут на главниот судија на вчерашниот натпревар против Порто, Карлос Дел Серо кој не досуди пенал за италијанскиот тим во финишот од натпреварот.

Во последните секунди од средбата, Сануси стартуваше врз Кристијано Роналдо кој падна во шеснаесетникот и бараше најстрога казна. Наместо тоа, главниот судија на средбата означи крај и не ја прегледа снимката за да одлучи дали било пенал или не.

Според Арсен Венгер и Руд Гулит имало елементи за пенал, а истото го потврди и Андреа Пирло кој откри дека го прашал судијата зошто не ја прегледал снимката и покрај тоа што натпреварот веќе завршил.

– Чист пенал над Кристијано. Го прашав судијата зошто не ја погледна снимката, ми рече дека натпреварот е веќе завшрен и нема потреба да ја гледа снимката. Сметам дека требаше да има храброст и да ја погледне снимката и покрај тоа што означи крај, -изјави Пирло.

Ваков момент се случи уште на стартот на Премиер лигата кога Манчестер Јунајтед доби пенал иако натпреварот веќе беше завршен.