Партизан му ја исполни желбата на Обрадовиќ: Центар со НБА искуство ќе го носи дресот на „црно-белите“ (ВИДЕО)

Партизан долго време бараше вистинско засилување на пазарот, поточно играч кој ќе може да помогне да се остварат високите цели во оваа сезона.

„Црно-белите“ не брзаа и чекаа вистинска можност да го добијат тоа што го посакуваат и на крај успеаа во таа цел затоа што нивен нов член е бразилскиот репрезентативец Бруно Кабокло. Кабокло е играч со НБА искуство, тој настапуваше во повеќе клубови како Торонто, Сакраменто, Мемфис и Хјустон за да потоа заигра во Европа во Лимож по што преку родниот Бразил и Мексико стигне во Германија каде блескаше во Улм со кој стана шампион со оваа држава.

Тој потпиша договор со Венеција и требаше да игра за овој тим во оваа сезона, но по добрите настапи на Мундобаскетот не сакаше да му се приклучи на италијанскиот состав и својата форма ја одржуваше со Макаби Ранана.

На крајот по се изгледа е постигнат некаков договор со Венеција, па денеска тој беше промовиран во Партизан каде ќе го носи дресот со бројот 50.

Соработката е до 2025 година и неговото присуство во рекетот треба да биде од огромна помош за актуелниот АБА шампион во Евролигата, регионалното натпреварување, но и на домашната сцена.