Одличниот Ѓоргиев не можеше сам против Нарбон во Челинџ Купот

Составот на АЦХ Волеј Љубљана за кого настапува македонскиот репрезентативец Никола Ѓоргиев претрпе пораз од Нарбон со 3-2 во првиот натпревар од полуфиналето на Челинџ Купот.

Домашниот тим ги загуби првите два сета со 25-23 и 25-22 за да потоа по една голема борба го реши третиот со 30-28 и се врати во игра. Таа енергија ја искористи за да лесно израмни на 2-2 (25-16), но во завршната битка гостите од Франција беа на повисоко ниво, беа посконцентрирани и со 15-10 остварија голема победа со која си го отворија патот до финалето во ова натпреварување.

Македонскиот репрезентативец и капитен Ѓорѓеив беше најактивен играч кај клубот од Љубљана и со 23 поени беше најдобар поентер, односно на дуелот повеќе поени собра само Де Араухо (25).

Реваншот на теренот на Нарбон е закажан за 1 март.